以前聽朋友講搞結婚好麻煩，我諗極都唔明要煩啲乜，加上係一生人一次嘅大事，唔係應該開心先啱咩？依家我可以用過來人身分同你講，原來結婚唔麻煩，但搞婚禮真係好_多嘢煩！回想7月喺阿根廷時每日做3個鐘瑜珈，去跑機跑到腳甲都爆埋，為的只係怕太多肉，著唔落一年前已訂制好嘅婚紗。點知由我哋喺羅馬落機再上機，到香港再離港，忙到我不經意地兩星期內瘦足5磅😱
日日跑到隻狗咁，趕呢樣趕嗰樣，仲辛苦過返工！...... 好啦，天下無不散之筵席，兩邊婚禮劃上完美嘅句號，我同意佬再次踏上歸途，返返去最近南極嘅一個角落-阿根廷。
好唔捨得，真係好唔捨得，好友親人們當晚坐咩位置，難得一見相擁大笑大叫，雙手緊扣祝福我同意佬嘅一刻眼神表情，我通通都記得一清二楚。
多謝你哋，衷心多謝你哋，一次過見返哂身邊關心我，緊張我，錫我嘅人！雖然仲有部分親戚朋友見唔哂，但我仍然好似中咗頭獎咁開心！到飛返南半球前雖然一直忙新居嘅事情，但不忘成日㩒返香港嗰日嘅相出嚟睇，同自己講：唔係發夢，有相為證係真嫁，真係遠在天邊有一班痛錫我嘅人在眷顧住我。
各位親愛的，後會有期日盼夜盼希望快啲再返嚟見你哋！致於個期到依家都未知，有可能一年，或者兩年，唔知會唔會有一日又好似發夢咁，突然唔洗一年就可再見返哂我啲老友呢？
Back to the South Pole, miss you all already!
No more fear of the dress fitting, so back to my meat diet^
#Farawayfromsouthpole
#南半球8月好凍
#在20000公里外想你們
#捨不得你
Search